ÇÎroka 5000 SalÎ: ÇÎroka Etana

[.RiZGaR.]

Ev çîroka Etana ku ez ê li jêr pêşkêş bikim, berî zayînê(bz) di dawiya salên 3000 î de bi nivîsarên mîxî li ser tehta sêyem hatiye kolan an jî nivîsandin. Sê teht li gel hev hatine dîtin lê nivîs li ser ya herî dawî hatiye nivîsandin. Dawiya çîrokê nehatiye, dibe ku li ser teht an jî kevirekî din dom bike. Wek tê zanîn Etana şahê Akadan bû. Mirov dikare bêje ku li cîhanê ev çîroka yekem e ku hatiye nivîsandin. Dîroka vê çîrokê 5000 sal e. Min vê çîrokê ji pirtûka Andrew Collins a bi navê Meleklerin kullerinden, Gunahkar bir irkin yasaklanmiş mîrasi, rûpel 279 – 280 ji tirkî wergerand kurdî. - Amed Tîgrîs

â€�… Di zemanê berê de ku hîn Xwedê di nav mirovên fanî de dijiya; li ser darekê mar û qertelek bê şer û pevçûn di nav aştiyê de dijiyan. Li ser guliyên darê yên jêrîn, li çêlikên hev xwedî derdiketin. Rojekê dema mar derket û çû neçîrê, qertêl biryara xwe da ku çêlikên hevalê xwe bixwe. Mar dema bi paş ve vegeriya qula xwe, çêlikên xwe di qulê de nedît û gelek xemgîn bû. Ket erdê û dest bi giriyê kir. Şamaş (ku Xwedê ye) rewşa mar dît, jê re got bê çi bike. Dê biçûna biketa nav termê gayekî û rawestana heta ku qertêl bihata.

Mar bi gotina Xwedê kir û dema teyrê mezin hat tola xwe jê girt. Pêşî qertêl girt. Piştre â€�pençênâ€� qertêl şikand. Pûrt û perên qertêl kişand û ew avête bin bîrê.

Di wê demê de, li beriya jêrî padîşahê zivistanê Etana gelek xemgîn bû. Şahbanû jê re qet zarok ne anîbû, padîşa ne dixwest bê waris bimire. Lê bihîstibû ku ji vî derdê wî re çareyek heye: Li çiyê li ciyekî ji bo jinên ku zarok ji wan re çênedibûn, giyayek hebû. Dema jinan ew giya bixwara ji wan re zarok çêdibû. Heger rêyek bidîta û bikaribûya ji Xwedayê bihuştê bipirsiya, wê demê dikarîbû vî dermanê girîng bibîne û bidest bixe. Dema ew bi xemgînî giriya, Şaman ew dît û çareseriyê jê re got. Lê diviya bû ku Etana pêşî qertêl rizgar bikira, piştre dê teyr jê re giyayê bergirtinê peyda bikira. Etana hemû tiştî kir û teyr dema gehişt azadiya xwe, ji bo dîtina giyayê zarokçêkirinê bi ser çiyan re firî û çeng bû. Mixabin bi ser neket, teyr pêşniyaz kir ku li gel hev herin serlêdana xatûna Îştar.

Qertêl ji Etana re got:â€�dostê min ê delal bextiyar be! Were ez te bibim bihuşta herî bilind. Singa xwe bide singa min, destên xwe bavêje baskên min, bihêle bila govdeyê min bibe yê te. Etana vê pêşniyazê qebûl kir û herdu li gel hev ber bi bihuşta Anû ve firiyan. Bi hewa ketin û her ku bilind dibûn, li bin xwe mêze dikirin û didîtîn ku dinya biçûk dibe. Di dawiyê de gehiştin ber dergehê bihuştê, xwe xûz kirin û ketin hundir…â€�